Хуримын ойг хэрхэн тэмдэглэх вэ?

Хуримын таван жилийн ойгоор “модон” хурим хийж гэр бүлийн хоёр гишүүн бие биендээ модон эдээр хийсэн зүйл өргөн барина.

Хуримын долоон жилийн ойгоор “зэсэн” хурим хийж давтсан зэсээр хийсэн бэлэг өгнө.

Тоонот гэрт толгой холбож дэр нийлүүлсний арван жилийн дараа ойг өргөн тэмдэглэж нөхөр нь гэргийдээ сарнай цэцгийн баглаа бэлэглэнэ.

Хуримын 12 жилийн ойг “никель” хурим гэж нэрлэж гэр бүлийн хоёр гишүүн нэг нэгэндээ никелээр хийсэн \ сав суулга, гал тогооны хэрэгсэл гэх мэт\ бэлэг өгнө.

Хурим болсны 15 жилийн ойг “шилэн” хурим гэж нэрлэж мэдээж хэрэг авааль нөхөр, эхнэр бие биендээ шилэн эд бэлэглэж баярлуулна

Гэр бүл болж хорин жил хамт амьдарсан бол “шаазан” хурим хийж бие биендээ шаазан эдлэл бэлэглэнэ.

Гэр бүл амьдралын 25 жилийн ойгоор “мөнгөн” хуримаа тэмдэглэж гэр бүлийн холбоо амьдралын нугачаанд ямар ч бэрхшээл саадыг давж гарах чадвартай болохын нотолгоо болгож зөвхөн мөнгөн эдлэлээр хийсэн зүйл бие биендээ бэлэглэнэ.

“Сувдан” хуримыг гучин жилийн ойгоор хийнэ. Энэ баярт үйл явдлыг тохиолдуулан өнггө алдан харладаггүй байгалийн сувдаар хийсэн эд зүйлс бэлэглэж өчнөөн олон жил бат бэх хэвээр байгаа саруул сайхан холбоог бэлэгшээнэ.

Хамтын амьдралын 35 жилийн ойгоор “маалингын” хурим хийж он удаан жилийн эдэлгээ даадаг маалингаар хийсэн гэр орны хэрэглээний зүйл бие биендээ бэлэг болгон өгнө.

Хамтын амьдралын дөчин жилийн ойгоор “бадмаараг” хурим тэмдэглэж хоёр зүрхний цусан холбоог бэлэгдэж нөхөр нь улаан өнгөтэй бадмаараг бөгж эхнэртээ бэлэглэнэ.

“Алтан” хуримыг тавин жилийн ойгоор хйинэ. Энэ дурсгалт өдөр, нөхөр, эхнэр хоёр бие биендээ алтан, алтадмал чимэглэлийн зүйл бие биендээ бэлэглэнэ.

Хувь заяаны жаргал, зовлонг хамтдаа туулж жаран жил нэг гэрт амьдарсан гэр бүл “алтас эрдэнийн” хурим хийнэ. Энэ гэр бүл алмас эрдэнэ мэт үүрд мөнх гялалзаж байхын баталгаа болгож бие биендээ алмаас эрдэнийн зүйл бэлэглэж бие биенээ баярлуулна.

Эх сурвалж: http://mass.mn/n/6427